Tag Archives: დაგეგმარება

კამუფლაჟირებული სამზარეულო

სამზარეულოში შეიძლება ძალიან ფუნქიონალური იყოს – კარგად აითვისო მისი კედლები, ყველა ნივთი ერთი ხელის გაწვდენაზე გქონდეს, ხშირად მოხმარებად ტექნიკა კი ზედაპირზევე განათავსო. მაგრამ აქედან ბევრი რამ არ არის რეკომენდირებული, თუკი თქვენ სტუდიო გაქვთ. თუკი თქვენი სამზარეულო ოთახი ინტეგრირებულია მისაღებთან, სასურველია, რომ ის მისაღების ნაწილად აქციოთ.

თუ ქვემოთმოყვანილ რჩევებს გაითვალისწინებთ, თქვენ შეძლებთ სამზარეულო მაქსიმალურად “შეფუთოთ”, დამალოთ. რასაკვირველია, თუ თქვენი სურვილია, რომ მისაღებში სამზარეულო არ ჩანდეს. იდეებისთვის კი პოსტის ბოლოს მოყვანილ ფოტოებს გადახედეთ.

1) კარადების ფასადები – უნდა იმეორებდეს, აგრძელებდეს ან ავსებდეს ყველა დანარჩენ ავეჯს. სასურველია, სამზარეულო იმავე ფერებისა და ფაქტურის მქონე მასალით გააკეთოთ, რითიც სხვა კარადებია (თაროები, ტელევიზორის კუთხე, ე.წ. ბუფეტი ან მაგიდა) დამზადებული.

 

 

2) სახელურები – ტრადიციულად მისაღები ოთახის ავეჯის კარებს არ უმაგრდება სახელურები და მათზე მიწოლით გაღების სისტემებია დამონტაჟებულია. სამზარეულოს კარადების კარები უფრო ხშირი მოხმარებისაა და სტანდარტულად სახელურები უმაგრდება. თუმცა, კომბინირებულ ოთახში უმჯობესია, თუ უარს იტყვით სახელურზებზე, ან გამოიყენებთ მინიმალისტურ, ფასადებში “ჩამჯდარი” სახელურების სისტემას. ვრცლად

დატოვე კომენტარი

Filed under რჩევები, ფოტო-პოსტი

ჩემი ბინა: დაგეგმარება და დიზაინი

არ მახსოვს, მიხსენებია თუ არა, რომ ამ ბლოგს, პირველ რიგში, საკუთარი თავისთვის ვქმნი(დი). სამზარეულოს, გარდერობის, ბავშვის ოთახისა თუ განათების გეგმარების შესახებ პოსტები ჩემი ინტერესის გამოძახილია – ის ინფორმაცია, რაც გადაწყვეტილების მისაღებად შევაგროვე, პოსტებად გადმოვეცი. ერთი წლის წინ ახალი ბინის შეძენამ გაფართოების საშუალება მოგვცა და მის დაგეგმვასაც შევუდექი.

პროექტი და მოცემულობა:

ბინა 4-ოთახიანია, ე.წ. ჩეხური პროექტი. ფართობი: 100 კვ.მ. აივნების ჩათვლით. მდგომარეობა: შავი კარკასი. ტიხრების ნაწილი მოხსნილი. სწორედ ისაა, რაც გვინდოდა – საყრდენ კედელს არ შევეხებით, სხვა მხრივ კი თავისუფლებას გვაძლევს გეგმარებაში.

ფანჯრების მდებარეობაა ჩრდილო-აღმოსავლეთით კაბინეტი და საძინებელი ოთახები, სამხრეთ-დასავლეთით მისაღები და სამზარეულო.

დაგეგმარება:

პროცესი იმ ზონების და ფუნქციების ჩამოთვლით დაიწყო, რაც ბინას უნდა ეტვირთა. ზოგიერთ კუთხეს ორმაგი ფუნქციის შესრულება შეუძლია – დასასხდომი ზონა (sitting zone) კომბინირებულ იქნა ტელევიზორის საყურებელ ზონასთან, სამრეცხაო ზონისათვის ადგილი სან-კვანძის გაფართოების ხარჯზე გამოინახა (არა სააბაზანო ოთახის, როგორც მიღებულია პრაქტიკაში), ხოლო საბავშვო ოთახში სთამაშო ზონა გაიზარდა იკეას ანტრესოლიანი საწოლის გამოყენებით.

მნიშვნელოვანი ამოცანა იყო მარტივი სამოძრაო ბილიკების დატოვება იმგვარად, რომ ერთი ზონიდან მეორეში მოსახვედრად რაც შეიძლება ნაკლები შემოვლის გაკეთება იყოს საჭირო.

დაგეგმარება და ვიზუალიზაცია პროგრამა planner5d.com-ში გავაკეთე და მხოლოდ ამის შემდეგ გადავიტანე archicad-ის ფაილში, რადგან პირველი გაცილებით მოსახერხებელია სამუშაოდ მოყვარულისათვის. მხოლოდ ყველა საჭირო ზონისა და ავეჯის განლაგების შემდეგ გადავიტანე ტიხრები archicad-ში.

ვრცლად

2 Comments

Filed under ზოგადი

ვგეგმავთ გარდერობს

იმ შემთხვევაშიც, თუ გარდერობისთვის მთელი ოთახი გაქვთ გამოყოფილი, აუცილებელია მისი ჭკვიანურად დაგეგმვა. სწორი გეგმარება კრიტიკული ხდება, თუკი გარდერობს პატარა სივრცე დაუთმეთ. ქვემოთმოყვანილი რჩევების გათვალისწინება გარდერობის სწორად დაგეგმვასა და ფართის ოპტიმალურ ათვისებაში დაგეხმარებათ.

1. საკიდებისთვის განკუთვნილი ძელის სიმაღლე უნდა იყოს თქვენს სიმაღეს პლუს 30-35 სმ. თუ ძელს უფრო მაღლა გეგმავთ, მაშინ იგი გადმოსაწევ მექანიზმზე უნდა იყოს.

2. შარვლებისათვის სპეციალური გამოსაწევი საკიდის გამოყენებით ასევე დაზოგავთ სივრცეს (სარჭებიან კაუჭიან საკიდთან შედარებით სიმაღლეში 10-15 სმ შეიძლება დაზოგოთ).

ვრცლად

3 Comments

Filed under რჩევები

განათება. ფუნქციონალური ასპექტები.

ერთ-ერთი ყველაზე გავრცელებული შეცდომა, რასაც ინტერიერის განათებისას ვაწყდებით, მისი დაუგეგმაობა, ან ინტერიერისგან გეგმარებისგან განცალკევებული დაგეგმვაა. ძალიან ხშირად ოთახის ცენტრში ერთი ჭაღია ჩამოკონწიალებულია და მასზეა დაკისრებული მთელი ოთახის განათების ფუნქცია. ისეც ხდება, რომ მოგრძო ოთახში ორი ძირითადი განათების წერტილია და სინათლის ნაკლებობა არ იგრძნობა, ან მთელ ჭერზეა მიმოფანტული (თუნდაც სიმეტრიულად და არაქაოტურად) ჩაშენებული სანათები, მაგრამ განათება თავისთვისაა და ინტერიერი კი თავისი ცხოვრებით ცხოვრობს. ამ პოსტში იმაზე გესაუბრებით, როგორ უნდა დავგეგმოთ განათება გონივრულად, რათა ბინის მაცხოვრებლებს ემსახუროს საცხოვრებელ ზონებთან ჰარმონიაში.

განათება დანიშნულების მიხედვით 3 კლასს შეიძლება მივაკუთვნოთ: საერთო (ფონური), მიზნობრივი (ფუნქციონალური) და დეკორატიული განათება.

საერთო განათების მიზანი ოთახის მთლიანი საერთო განათების წყაროთი უზრუნველყოფაა – მან არ უნდა დატოვოს ოთახში გაუნათებელი ზონები, თუმცა საშუალო ილუმინაციას უნდა იძლეოდეს. როგორც წესი, განათავსებენ ჭერზე (ხშირად) ან კედლებზე (შედარებით იშვიათად).

 

ფუნქიონალური განათება ყველა ზონას საკუთარი აქვს. იგი აუცილებლად ოთახის საერთო გეგმარებასთან ერთად იგეგმება. ფუნქციონალური განათება უნდა ჰქონდეს: სასადილო მაგიდებს – საკუთარი ჭაღების სახით;

 

სამზარეულოს სამუშაო ზედაპირს – წერტილოვანი და ლედ-ლენტის სახით, რომელიც, სასურველია, ზედა ჩამოსაკიდი თაროების ქვედა კედელში იყოს დატანებული;

 

ვრცლად

დატოვე კომენტარი

Filed under რჩევები

განათება. ტექნიკური ასპექტები

ინტერიერის სწორად განათება მთელი მეცნიერებაა და ძნელია, 1-2 პოსტში ჩატიო ყველა მნიშვნელოვანი დეტალი. მე მაინც შევეცდები დაგროვილი ცოდნა გაგიზიაროთ. ამ პოსტში განათების ტექნიკურ ასპექტებს შევეხები. ფუნქციონალურ მხარეს სხვა პოსტისთვის დავიტოვებ.

ნათურების ტიპები

ვარვარას ნათურა (лампа накаливания, incandescent light bulb) – ჩვენში “ილიჩის ნათურადაც” წოდებული. განათების წყაროა წვრილი სპირალის გავარვარება. შუშის გარსი კი ინერტული აირებითაა შევსებული. ასეთი ნათურა ყველაზე მეტ ენერგიას მოიხმარს. მას თბილი ნათება აქვს.

lampi-nakalivavia

ჰალოგენური ნათურა – არსით ისიც ვარვარას ნათურაა, მხოლოდ ჰალოგენური ორთქლითაა სავსე. ვარვარას ტრადიციულ ნათურებთან შედარებით ოდნავ უფრო ენერგოეფექტურია. აქვს იგივე ‘ტემპერატურის’ თბილი ნათება.

galogennie-lampi

ლუმინისცენციური / ფლუორესცენტული სანათი – გვხვდება გრძივი მილის, ცირკულარული ფორმის ან კომპაქტური ნათურების სახით. მაღალი ენერგოეფექტურობის და ხანრძლივი მოხმარების ვადის  გამო ეკო-ნათურებს ვუწოდებთ. ნათების ‘ტემპერატურა’ სხვადასხვაგვარია. მისი მინუსი დიმერებთან* ცუდი მეგობრობაა. ვრცლად

2 Comments

Filed under რჩევები

სივრცის ზონირება

თანამედროვე ინტერიერი დიდად არ სწყალობს კედლებს, კარებს, სიმძიმეს, სიბნელეს. თანამედროვე ინტერიერს უყვარს სივრცე. ოღონდ ორგანიზებული, მოწესრიგებული, მშვიდი სივრცე.

მართლაც, ვინ იდავებს იმაზე, რომ დიდი ფართის მქონე ოთახი კარგია: სივრცის დანახვა თვალს სიამოვნებს და ფსიქიკაც ისვენებს. მაგრამ ეს პოსტულატი ჭეშმარიტია მხოლოდ იმ შემთხვევაში, თუკი სივრცე ზონირებულია გონივრულად: ყოველ ფუნქციას საკუთარი ზონითა აქვს გამოყოფილი, ეს ზონები არ კვეთს ერთმანეთს და ამასთან გათვალისწინებული წარმოსახვითი ბილიკები მათ შორის დაუბრკოლებლად გადასაადგილებლად. ზონების დაუგეგმარებლად თავისუფალი სივრცე ერთგვარ აურზაურად იქცევა, რომელშიც ყოფნა თავს არაკომფორტულად გაგრძნობინებთ.

ზონირების მრავალგვარი მეთოდი არსებობს: დაწყებული კედლებით და დამთავრებული წარმოსახვითი ზონებით. გავყვეთ ამ გრადაციას და მოკლედ მიმოვიხილოთ, რათა გემოვნებისა და სივრცის სპეციფიკის გათვალისწინებით ოპტიმალური ვარიანტის არჩევა შევძლოთ. ვრცლად

დატოვე კომენტარი

Filed under რჩევები

ერგონომიული სამზარეულო

სამზარეულოს გეგმარება ერთ-ერთი უმნიშვნელოვანესი საქმეა მთლიანი ბინის მოწყობის საკითხში, რადგან თუ თქვენ მუდმივად გარეთ არ იკვებებით, მნიშნელოვანი ფიზიკური დატვირთის მიღება გიწევთ სადილ-ვახშმის მომზადების, მაგიდის გაშლის, შემდეგ დალაგების და დასუფთავების პროცესში. ამ პროცესისის მნიშვნლოვნად გართულებაც შეიძლება არასწორი გეგმარებით და გაიოლებაც, დაგეგმარების პროცესში გარკვეული საკითხების გათვალისწინებით. და თუ თქვენ მძიმე სამუშაო დღის შემდეგ სადილის კეთება გიწევთ, დამეთანხმებთ რომ პროცესის შემსუბუქება კრიტიკულად მნიშვნელოვანია.

პირველ რიგში მიმოვიხილოთ სამზარეულოს განლაგების ძირითადი ტიპები: სწორ ხაზზე, კუთხოვანი (ინგლისური L-ს ფორმის), პარალელური, სამმხრივი (ინგლისური U-ს ფორმის), კუნძულით. ამათგან ყველაზე კომფორტულია U-ს ფორმის და პარალელური გეგმარება (კუნძულიც თუ ძირითადი ხაზის პარალელურადაა, ისიც ამ პუნქტში შევიყვანოთ), შემდეგ L-ის ფორმის და ბოლოს სწორხაზოვანი გეგმარება. თუმცა, თუ ოთახის ფორმა მხოლოდ სწორხაზოვანი გეგმარების საშუალებას გაძლევთ, მისი კომფორტულად მოწყობა მაინც შესაძლებელია.

23260018

პირველი მნიშვნელოვანი პრინციპი, რომელიც უკვე ათწლეულებია ცნობილია და რომელსაც აქტიურად იყენებენ სამზარეულოს გეგმარებისას, ეს “სამუშაო სამკუთხედია” – წარმოსახვით სამკუთხედი მაცივარს, ნიჟარასა და გაზქურას შორის. ეს ის წერტილებია, რომელთანაც ყველაზე ხშირად გვაქვს შეხება სამზარულოში და მათ შორის მიმოსვლა არ უნდა იყოს არაფრით შეფერხებული. მაგალითად, ნიჟარიდან მაცივრამდე მისასვლელად სასადილო მაგიდას არ უნდა უვლიდეთ გვერდს. სწორედ ამ სამკუთხედის ოპტიმალური განლაგების შესაძლებლობას იძლევა პარალელური, U-ს ფორმის და L-ის ფორმის სამზარეულოები. ვრცლად

14 Comments

Filed under რჩევები

ინტერიერის აუცილებელი ატრიბუტი – ხალიჩა

დღეს არ გესაუბრებით ხალიჩის ტიპებზე, ამ პოსტში არ იქნება რჩევები, როგორ აარჩიოთ ან სად შეიძინოთ ხალიჩა (ამაზე მოგვიანებით). ამ პოსტში შევეცდები დავასაბუთო, თუ რატომ არის ასეთი მნიშვნელოვანი ხალიჩა, რა ფუნქციებით იტვირთება და რამდენი არასწორი მითით ვხელმძღვანელობთ, როდესაც უარს ვამბობთ სახლში ამ არაჩვეულებრივი ნივთის გამოყენებაზე.

01

მითი N1: “ხალიჩა უგემოვნოა”

უგემოვნობის მითი საბჭოური კიჩის – საერთო შტამპით “დაბეჭდილი” უსახური ხალიჩების დამსახურებაა. ასეთებს თითქმის ყველა ოჯახში ნახავდით 20 წლის წინ (ახლაც ბევრგანაა) ასეთივე კიჩური ჩეხური “სტენკების” და რუმინული სასადილო გარნიტურის გვერდით (ან ქვეშ). ამ მითს წარმატებით ამყარებს ბაზრობებზე ოხრად შემოტანილი უგემოვნო ეგზემპლარები. თუმცა უგემოვნო ტანსაცმლის არსებობა გემოვნებიანის პოვნას რატომ გამორიცხავს? და თუ საბჭოური ავეჯის გამო თანამედროვე ავეჯზე არ ვამბობთ უარს, არც ლამაზი ხალიჩის ქონის სიამოვნება მოვიკლოთ.

1-21-0 1-1 1-4 1-3 ვრცლად

11 Comments

Filed under ტრენდი

სამრეცხაო ოთახი

ალბათ, ბევრ თქვენგანს ეცნობა სურათი: აბაზანაში განთავსებული სარეცხი მანქანა, მასზე მოთვსებული სარეცხისათვის განკუთვნილი კალათა უწესრიგოდ შევსებული ტანისამოსით და სარეცხი საშუალებების თარო; საცხოვრებლად განკუთვნილ რომელიმე ოთახში მდგარი გასაუთოვებელი ტექსტილის კიდევ ერთი კალათა, საუთავებელი მაგიდა და უთო, ასევე გარდერბში ადგილის მიჩენამდე აქვე „მაშასადამესავით“ დატოვებული გაუთავებული ტანისამოსი თუ თეთრეული; უკეთეს სემთხვევაში აივნის დამატებად ქცეულ თოკებზე გაფენილი სარეცხი, უარეს შემთხვევაში კი გასაუთოვებელი ხარისხები / თოკები მასზე უწესრიგოდ ახუნძლული სველი ტანისამოსით სააბაზანო ან რომელიმე სხვა ოთახში.

დამეთანხმებით, იდილიური სურათი ნამდვილად არ არის. სხვა თუ არა არაფერი, თქვენს კომფორტულ ყოველდღიურობას არღვევს შეუსაბამო ადგილას თვალში „გამოჩხერით“. რამდენ ძვირფასი ადგილს იკავებს – ამაზე ჩემი განამრტება საჭირო არც არის.

სწორედ ასეთი არეულობის თავიდან ასაცილებლად ბინის თანამედროვე გეგმარება „ცნობს“ ისეთ ფრიად აუცილებელ ოთახს, როგორიცაა სამრეცხაო. ვრცლად

4 Comments

Filed under რჩევები

როგორ ამოვარჩიოთ “საუკეთესო” დიზაინერი

საუკეთესო, ძალიან პირობითი ცნებაა. ჩვენ ყველანი ინდივიდები ვართ, ასევე ინდივიდები არიან დიზაინერებიც. ჩვენ გვაქვს ჩვენი გემოვნება; დიზაინერი კი, როგორც არ უნდა შეუსაბამოს მის მიერ შექმნილი ინტერიერი ჩვენს გემოვნებას, მასში აუცილებლად დებს საკუთარ აქცენტებს. ამიტომ ჩვენი მიზანია შევარჩიოთ ისეთი დიზაინერი, რომლის მხატვრული ხედვაც ყველაზე უკეთ გამოეპასუხება ჩვენი გულის ძახილს. ამ თემით შემოგთავაზებთ ერთ–ერთ გზას ასეთი დიზაინერის მოსაძებნად.

ვრცლად

5 Comments

Filed under რჩევები