Category Archives: რჩევები

როგორ დავგეგმოთ რემონტი გონივრულად

ფუნქციონალური და რაციონალური რემონტის დაგეგმვა რეალიზაცია რამდენიმე მნიშვნელოვან სტადიას მოიცავს, რომელთა გამოტოვება უთუოდ დააზარალებს თქვენი შემდგომი ცხოვრების კომფორტის ხარისხს. მიმდინარე პოსტში გარკვეულწილად დავაჯამებ და გეგმის სახეს მივცემ რემონტის სტადიებს, ამასთან მოკლე განმარტებას გავუკეთებ თითოეულ მათგანს. ვიმედოვნებ, ჩემი პოსტი მცირე დახმარებას მაინც გაგიწევთ ამ შრომატევადი პროცესის წარმატებით წარმართვაში. ველოდები თქვენს შენიშვნებს და რეკომენდაციებსაც 🙂

პ. ს. იგულისხმება, რომ ბინის აზომვითი ნახაზი რემონტის დაწყებამდე უკვე გაგაჩნიათ.

1. საჭირო ფუნქციონალური ზონების გამოყოფა და პრიორიტეტების დასახვა.

ჩამოწერეთ, რა და რა ფუნქციონალური ზონები გჭირდებათ საცხოვრებელ ბინაში. რომელი მათგანისათვის მიგაჩნიათ აუცილებლად ცალკე ოთახის გამოყოფა, რომლისათვის უშვებთ სხვა ზონებთან ინტეგრაციას. მიუწერეთ პრიორიტეტები, რომელ ფუნქციონალურ ზონას დათმობთ ფართის უკმარისობის შემთხვევაში და რომელია პირველადი საჭიროების. ასეთი სიის გაკეთება თავიდან აგარიდებთ როგორც ზონის დუბლირებას და ძვირფასი მეტრების დაკარგვას, ასევე საჭირო ზონის გარეშე დარჩენას. აქვე შემოგთავაზებთ სხვადასხვა პოპულარული ზონების ვარიაციებს, სია თქვენც შეგიძლიათ განავრცოთ საკუთარი საჭიროებების მიხედვით:

საძინებელი უფროსებისათვის, ოჯახის პატარა წევრებისათვის და სტუმრებისათვის, ბავშვთა თამაშის და სპორტული განვითარების ზონა, სამეცადინო ბავშვებისათვის, კაბინეტი, უფროსების გარდერობი, ბავშვთა გარდერობი, სამრეცხაო, სან-კვანძი უფროსებისათვის, ბავშვებისათვის და სტუმრებისათვის, სამზარეულო, სასადილო ზონა, საკომუნიკაციო ზონა (sitting area), ვიდეო კუთხე / სახლის კინოთეატრი, ბიბლიოთეკა, ბარი, საქვაბე და ა. შ. საკმარისი ფართის არსებობის და მასპინძელთა სპეციფიური გემოვნების გათვალისწინებით სია შეიძლება გაამრავალფეროვნოთ ბილიარდის ან პინგ-პონგის მაგიდით, DJ–აპარატურის კუთხით, როიალით თუ სინთეზატორით, ზამთრის ბაღით, ტრენაჟორების კუთხით, საუნით და სოლარიუმითაც კი. მთავარია, ჩამოწერეთ ყველაფერი, რასაც თქვენი ფანტაზია, ბინის ფართობი და ხელმისაწვდომი ფინანსური რესურსი გასწვდება.

ვრცლად

დატოვე კომენტარი

Filed under რჩევები

სამრეცხაო ოთახი

ალბათ, ბევრ თქვენგანს ეცნობა სურათი: აბაზანაში განთავსებული სარეცხი მანქანა, მასზე მოთვსებული სარეცხისათვის განკუთვნილი კალათა უწესრიგოდ შევსებული ტანისამოსით და სარეცხი საშუალებების თარო; საცხოვრებლად განკუთვნილ რომელიმე ოთახში მდგარი გასაუთოვებელი ტექსტილის კიდევ ერთი კალათა, საუთავებელი მაგიდა და უთო, ასევე გარდერბში ადგილის მიჩენამდე აქვე „მაშასადამესავით“ დატოვებული გაუთავებული ტანისამოსი თუ თეთრეული; უკეთეს სემთხვევაში აივნის დამატებად ქცეულ თოკებზე გაფენილი სარეცხი, უარეს შემთხვევაში კი გასაუთოვებელი ხარისხები / თოკები მასზე უწესრიგოდ ახუნძლული სველი ტანისამოსით სააბაზანო ან რომელიმე სხვა ოთახში.

დამეთანხმებით, იდილიური სურათი ნამდვილად არ არის. სხვა თუ არა არაფერი, თქვენს კომფორტულ ყოველდღიურობას არღვევს შეუსაბამო ადგილას თვალში „გამოჩხერით“. რამდენ ძვირფასი ადგილს იკავებს – ამაზე ჩემი განამრტება საჭირო არც არის.

სწორედ ასეთი არეულობის თავიდან ასაცილებლად ბინის თანამედროვე გეგმარება „ცნობს“ ისეთ ფრიად აუცილებელ ოთახს, როგორიცაა სამრეცხაო. ვრცლად

4 Comments

Filed under რჩევები

ენერგოეფექტური თბოიზოლაცია

სახლის თბოიზოლაცია წმინდა ფიზიკური მოვლენაა, რომელიც სითბოს გადაცემის ფიზიკურ ბუნებას ემყარება. მიჰყევით ჩემს პატარა ექსკურსს და თქვენთვის ნათელი გახდება, რას ეფუძნება ის.

ფიზიკა გვამცნობს, რომ არსებობს სითბოს გადაცემის სამი ხერხი (არა, სოლვეის ხერხი აქ არაფერ შუაშია):

(1) კონვექცია, (2) თბოგამტარობა და (3) სითბური გამოსხივება.

მე შევეცდები სპეციფიური ტერმინოლოგიით თავი არ შეგაწყნოთ და ჩემთვისვე უფრო მოსახერხებელი ფამილარული ენით აგიხსნათ ამ სამი ხერხის არსი. ვრცლად

11 Comments

Filed under რჩევები

ცარიელი კედლების პრობლემა

ალბათ ბევრ თქვენგანს ჰქონია მსგავსი შემთხვევა: შედიხართ შენობაში (ბინაში, საზოგადებრივ დაწესებულებაში), თითქოს ყველაფერი თავის ადგილზეა, ხარისხიანი და მოდური ავეჯი გონივრულადაა განთავსებული, მაგრამ სიცარიელე (და არა მინიმალიზმი) უხეშად იჭრება შეგრძნებებში. როგორც წესი, ამ სიცარიელის მიზეზი შეუვსებელი კედლებია, რომელთა დატვირთვაზეც არ უფიქრიათ ინტერიერის შემნქმნელებს.

ამ პოსტში მინდა ცარიელი კედლების შევსების ალტერნატივები შემოგთავაზოთ, რომელთა უმრავლესობაც მცირე ბიუჯეტის პირობებშიც კი ხელმისაწვდომია, ამასთან ორიგინალურობას და საერთო ინტერიერთან თავსებადობას არ არის მოკლებული. ვრცლად

7 Comments

Filed under ბაზრის მიმოხილვა, რჩევები

ქართული ინტერიერის დიზაინის თავისებურებანი

შენობათა არქიტექტურა და ინტერიერი ისევე ექვემდებარება მოდის ცვლილებას, როგორც ტანისამოსი და მუსიკა. არის დეტალები, რომლებიც მოდაში იყო და გადავიდა, ზოგიც გადავიდა და ისევ დაბრუნდა, ზოგი კი არც არასოდეს ყოფილა მოდაში, მაგრამ დაჟინებით ვჩურთავთ ყველა შესაძლო შემთხვევაში 🙂

ამ თემაში ქართული ინტერიერის დიზაინის თავისებურებებზე მინდა მოგიყვეთ – რა არ არის მოდაში, ანუ Big NO!

ვრცლად

6 Comments

Filed under რჩევები

როგორ ამოვარჩიოთ “საუკეთესო” დიზაინერი

საუკეთესო, ძალიან პირობითი ცნებაა. ჩვენ ყველანი ინდივიდები ვართ, ასევე ინდივიდები არიან დიზაინერებიც. ჩვენ გვაქვს ჩვენი გემოვნება; დიზაინერი კი, როგორც არ უნდა შეუსაბამოს მის მიერ შექმნილი ინტერიერი ჩვენს გემოვნებას, მასში აუცილებლად დებს საკუთარ აქცენტებს. ამიტომ ჩვენი მიზანია შევარჩიოთ ისეთი დიზაინერი, რომლის მხატვრული ხედვაც ყველაზე უკეთ გამოეპასუხება ჩვენი გულის ძახილს. ამ თემით შემოგთავაზებთ ერთ–ერთ გზას ასეთი დიზაინერის მოსაძებნად.

ვრცლად

5 Comments

Filed under რჩევები

რატომ უნდა მივმართოთ დიზაინერს

ხშირად გაიგონებთ ფრაზას, რატომ უნდა გავაყარო ფული ინეტიერის დიზაინერში, მეც ხომ შემიძლია ინტერიერის დაგეგმვა.

შედეგად კი ხშირად შეხვდებით არაფუნქციონალურ დაგეგმარებას, არაოპტიმალურად ათვისებულ ფართობს, გადატვირთულ ავეჯს, უგემოვნო ინსტაცლაციებს, ფაქტურებს, ფერთა შეხამებებს, უხარისხო დეკორს და რაც მთავარია, დაბალი ხარისხის რემონტს. მე გთავაზობთ რამოდენიმე არგუმენტს, თუ რატომ უნდა მიმართოთ დაგეგმარებისა და რემონტის დროს ინტერიერის დიზაინერს, გათვალისწინება კი – თქვენზეა ვრცლად

3 Comments

Filed under რჩევები

სამი უკიდურესობა

ბევრი ფიქრის შემდეგ გადავწყვიტე, ჩემი პირველი პოსტი დავწერო იმ მარგინალური ინტერიერების შესახებ, როგორებიც მრავლად გვხვდება რეალობაში. ანუ, როგორ არ მოგვივიდეს ზედმეტი მარილი.

1. ტრადიციული, “ზედმეტად” ფუნქციონალური, უგემოვნო.

ასეთ ინტერიერს ხშირად შეხვდებით პოსტსაბჭოურ ბინებში. აქ გათვალისწინებულია ყველაფერი: 2 სასადილო მაგიდა, 3 სამეული, კუთხე, “სტენკა” ვიტრინით, საძინებელი, აბაზანა უნიტაზის გარეშე და ტუალეტი უსასაშხაპეოდ… შედარებით “პრადვინუტებს” შეკიდული ჭერი აქვთ მინოტავრის ლაბირინთებით, არანაკლები სირთულის ფარდები და მოხატულობა იატაკზე. მოკლედ, ასეთ სახლებში ყველაფერია, რაც კი შეიძლება გაახსენდეს ადამიანის უშრეტ ფანტაზიას, თანაც, რაც მთავარია, ყოველივე ეს დატეულია საკმაოდ მცირე ფართობში. მერე რა, თუ ავეჯისათვის გვერდის აქცევა რთულია, სამაგიეროდ მეზობელს თვალს დაუბრმავებს ჩვენი მატერიალური კეთილდღეობა. ვრცლად

4 Comments

Filed under რჩევები