Category Archives: რჩევები

კამუფლაჟირებული სამზარეულო

სამზარეულოში შეიძლება ძალიან ფუნქიონალური იყოს – კარგად აითვისო მისი კედლები, ყველა ნივთი ერთი ხელის გაწვდენაზე გქონდეს, ხშირად მოხმარებად ტექნიკა კი ზედაპირზევე განათავსო. მაგრამ აქედან ბევრი რამ არ არის რეკომენდირებული, თუკი თქვენ სტუდიო გაქვთ. თუკი თქვენი სამზარეულო ოთახი ინტეგრირებულია მისაღებთან, სასურველია, რომ ის მისაღების ნაწილად აქციოთ.

თუ ქვემოთმოყვანილ რჩევებს გაითვალისწინებთ, თქვენ შეძლებთ სამზარეულო მაქსიმალურად “შეფუთოთ”, დამალოთ. რასაკვირველია, თუ თქვენი სურვილია, რომ მისაღებში სამზარეულო არ ჩანდეს. იდეებისთვის კი პოსტის ბოლოს მოყვანილ ფოტოებს გადახედეთ.

1) კარადების ფასადები – უნდა იმეორებდეს, აგრძელებდეს ან ავსებდეს ყველა დანარჩენ ავეჯს. სასურველია, სამზარეულო იმავე ფერებისა და ფაქტურის მქონე მასალით გააკეთოთ, რითიც სხვა კარადებია (თაროები, ტელევიზორის კუთხე, ე.წ. ბუფეტი ან მაგიდა) დამზადებული.

 

 

2) სახელურები – ტრადიციულად მისაღები ოთახის ავეჯის კარებს არ უმაგრდება სახელურები და მათზე მიწოლით გაღების სისტემებია დამონტაჟებულია. სამზარეულოს კარადების კარები უფრო ხშირი მოხმარებისაა და სტანდარტულად სახელურები უმაგრდება. თუმცა, კომბინირებულ ოთახში უმჯობესია, თუ უარს იტყვით სახელურზებზე, ან გამოიყენებთ მინიმალისტურ, ფასადებში “ჩამჯდარი” სახელურების სისტემას. ვრცლად

დატოვე კომენტარი

Filed under რჩევები, ფოტო-პოსტი

საძინებელი ოთახის მოწყობის პრინციპები

ოთახი, საიდანაც ვიწყებთ და სადაც ვამთავრებთ დღეს, აუცილებლად უნდა იყოს ძალიან კარგი – კარგად გააზრებული, თქვენზე მორგებული, კომფორტული და ლამაზი! რა თქმა უნდა, ოთახის ზომას დიდი მნიშვნელობა აქვს დაგეგმვისას, თუმცა არის პრინციპები, რომელთა დაცვაც ნებისმიერი ზომის ოთახშია შესაძლებელი.

სტილი:

გემოვნების საკითხია, თუმცა ერთი სტილის ან ძირითადი ვექტორის არჩევა ძალიან მნიშვნელოვანია. მაგალითად, საძინებელი შეიძლება გადაწყვიტო თანამედროვე კლასიკის, ეკო-დიზაინის, 60-იანების, ინდუსტრიალურ (ე.წ. ლოფტ), ქანთრი, პოპ-არტ და ა.შ. სტილში.  აირჩიეთ სტილი თქვენი გემოვნების შესაბამისად. არ არის აუცილებელი და უკუნაჩვენებიც კია, რომ ყველაფერი მკაცრად ერთ სტილში შეიძინოთ, თუმცა ავეჯის, განათების საშუალებების თუ აქსესუარების არჩევისას აუცილებლად გაითვალისწინეთ, რამდენად მოუხდება ამ სტილის ოთახს.

ფერები:

საძინებელი ის ოთახია, რომელსაც ყველაზე მეტად სჭირდება სიმშვიდე, ამიტომ, გირჩევთ, ძირითად ფრად მშვიდი, აქრომატული, ანუ ნეიტრალური ფერები გამოიყენოთ. ვრცლად

2 Comments

Filed under რჩევები

ვგეგმავთ გარდერობს

იმ შემთხვევაშიც, თუ გარდერობისთვის მთელი ოთახი გაქვთ გამოყოფილი, აუცილებელია მისი ჭკვიანურად დაგეგმვა. სწორი გეგმარება კრიტიკული ხდება, თუკი გარდერობს პატარა სივრცე დაუთმეთ. ქვემოთმოყვანილი რჩევების გათვალისწინება გარდერობის სწორად დაგეგმვასა და ფართის ოპტიმალურ ათვისებაში დაგეხმარებათ.

1. საკიდებისთვის განკუთვნილი ძელის სიმაღლე უნდა იყოს თქვენს სიმაღეს პლუს 30-35 სმ. თუ ძელს უფრო მაღლა გეგმავთ, მაშინ იგი გადმოსაწევ მექანიზმზე უნდა იყოს.

2. შარვლებისათვის სპეციალური გამოსაწევი საკიდის გამოყენებით ასევე დაზოგავთ სივრცეს (სარჭებიან კაუჭიან საკიდთან შედარებით სიმაღლეში 10-15 სმ შეიძლება დაზოგოთ).

ვრცლად

3 Comments

Filed under რჩევები

განათება. ფუნქციონალური ასპექტები.

ერთ-ერთი ყველაზე გავრცელებული შეცდომა, რასაც ინტერიერის განათებისას ვაწყდებით, მისი დაუგეგმაობა, ან ინტერიერისგან გეგმარებისგან განცალკევებული დაგეგმვაა. ძალიან ხშირად ოთახის ცენტრში ერთი ჭაღია ჩამოკონწიალებულია და მასზეა დაკისრებული მთელი ოთახის განათების ფუნქცია. ისეც ხდება, რომ მოგრძო ოთახში ორი ძირითადი განათების წერტილია და სინათლის ნაკლებობა არ იგრძნობა, ან მთელ ჭერზეა მიმოფანტული (თუნდაც სიმეტრიულად და არაქაოტურად) ჩაშენებული სანათები, მაგრამ განათება თავისთვისაა და ინტერიერი კი თავისი ცხოვრებით ცხოვრობს. ამ პოსტში იმაზე გესაუბრებით, როგორ უნდა დავგეგმოთ განათება გონივრულად, რათა ბინის მაცხოვრებლებს ემსახუროს საცხოვრებელ ზონებთან ჰარმონიაში.

განათება დანიშნულების მიხედვით 3 კლასს შეიძლება მივაკუთვნოთ: საერთო (ფონური), მიზნობრივი (ფუნქციონალური) და დეკორატიული განათება.

საერთო განათების მიზანი ოთახის მთლიანი საერთო განათების წყაროთი უზრუნველყოფაა – მან არ უნდა დატოვოს ოთახში გაუნათებელი ზონები, თუმცა საშუალო ილუმინაციას უნდა იძლეოდეს. როგორც წესი, განათავსებენ ჭერზე (ხშირად) ან კედლებზე (შედარებით იშვიათად).

 

ფუნქიონალური განათება ყველა ზონას საკუთარი აქვს. იგი აუცილებლად ოთახის საერთო გეგმარებასთან ერთად იგეგმება. ფუნქციონალური განათება უნდა ჰქონდეს: სასადილო მაგიდებს – საკუთარი ჭაღების სახით;

 

სამზარეულოს სამუშაო ზედაპირს – წერტილოვანი და ლედ-ლენტის სახით, რომელიც, სასურველია, ზედა ჩამოსაკიდი თაროების ქვედა კედელში იყოს დატანებული;

 

ვრცლად

დატოვე კომენტარი

Filed under რჩევები

განათება. ტექნიკური ასპექტები

ინტერიერის სწორად განათება მთელი მეცნიერებაა და ძნელია, 1-2 პოსტში ჩატიო ყველა მნიშვნელოვანი დეტალი. მე მაინც შევეცდები დაგროვილი ცოდნა გაგიზიაროთ. ამ პოსტში განათების ტექნიკურ ასპექტებს შევეხები. ფუნქციონალურ მხარეს სხვა პოსტისთვის დავიტოვებ.

ნათურების ტიპები

ვარვარას ნათურა (лампа накаливания, incandescent light bulb) – ჩვენში “ილიჩის ნათურადაც” წოდებული. განათების წყაროა წვრილი სპირალის გავარვარება. შუშის გარსი კი ინერტული აირებითაა შევსებული. ასეთი ნათურა ყველაზე მეტ ენერგიას მოიხმარს. მას თბილი ნათება აქვს.

lampi-nakalivavia

ჰალოგენური ნათურა – არსით ისიც ვარვარას ნათურაა, მხოლოდ ჰალოგენური ორთქლითაა სავსე. ვარვარას ტრადიციულ ნათურებთან შედარებით ოდნავ უფრო ენერგოეფექტურია. აქვს იგივე ‘ტემპერატურის’ თბილი ნათება.

galogennie-lampi

ლუმინისცენციური / ფლუორესცენტული სანათი – გვხვდება გრძივი მილის, ცირკულარული ფორმის ან კომპაქტური ნათურების სახით. მაღალი ენერგოეფექტურობის და ხანრძლივი მოხმარების ვადის  გამო ეკო-ნათურებს ვუწოდებთ. ნათების ‘ტემპერატურა’ სხვადასხვაგვარია. მისი მინუსი დიმერებთან* ცუდი მეგობრობაა. ვრცლად

2 Comments

Filed under რჩევები

სივრცის ზონირება

თანამედროვე ინტერიერი დიდად არ სწყალობს კედლებს, კარებს, სიმძიმეს, სიბნელეს. თანამედროვე ინტერიერს უყვარს სივრცე. ოღონდ ორგანიზებული, მოწესრიგებული, მშვიდი სივრცე.

მართლაც, ვინ იდავებს იმაზე, რომ დიდი ფართის მქონე ოთახი კარგია: სივრცის დანახვა თვალს სიამოვნებს და ფსიქიკაც ისვენებს. მაგრამ ეს პოსტულატი ჭეშმარიტია მხოლოდ იმ შემთხვევაში, თუკი სივრცე ზონირებულია გონივრულად: ყოველ ფუნქციას საკუთარი ზონითა აქვს გამოყოფილი, ეს ზონები არ კვეთს ერთმანეთს და ამასთან გათვალისწინებული წარმოსახვითი ბილიკები მათ შორის დაუბრკოლებლად გადასაადგილებლად. ზონების დაუგეგმარებლად თავისუფალი სივრცე ერთგვარ აურზაურად იქცევა, რომელშიც ყოფნა თავს არაკომფორტულად გაგრძნობინებთ.

ზონირების მრავალგვარი მეთოდი არსებობს: დაწყებული კედლებით და დამთავრებული წარმოსახვითი ზონებით. გავყვეთ ამ გრადაციას და მოკლედ მიმოვიხილოთ, რათა გემოვნებისა და სივრცის სპეციფიკის გათვალისწინებით ოპტიმალური ვარიანტის არჩევა შევძლოთ. ვრცლად

დატოვე კომენტარი

Filed under რჩევები

კედლები საბავშვო ოთახში

როგორი უნდა იყოს კედლები საბავშვო ოთახში – საკითხის ასე დასმა, აპრიორი, არასწორი მგონია. იქ, სადაც ბავშვია, წესები უსაფრთხოების საკითხებით შემოიფარგლება – დანარჩენი ფანტაზია და სურვილებია. ამიტომ ასე დავსვამდი საკითხს: როგორი მინდა იყოს კედლები საბავშვო ოთახში?

ბავშვობაში ფარდისა თუ კედლის ლაქებს, ჩრდილების მოხაზულობას, ღრუბლების ფორმებს თქვენც აკვირდებოდით, ხომ? ალბათ, კი. და ამ ლაქების შემხედვარე ათასგვარ ისტორიებს ვიგონებდით. ბავშვის წარმოსახვას სულ ცოტა სჭირდება ზღაპრის სამყაროში გადასასვლელად. ჰოდა მე მინდა, ჩემი შვილების ოთახში კედლის მხატვრობა, ფრესკა (a.k.a. mural) თუ შპალერი სწორედ ფანტაზიას აღვივებდეს, რეალობის საზღვრებს აფართოებდეს, ოცნებისკენ უბიძგებდეს. ამავე მიზეზით არ მინდა ბავშვის ოთახში რომელიმე ერთი მულტფილმის გმირები “შევიყვანო” და ამით შემოვზღუდო. მჭახე და მკვეთრ ფერებზეც ვიტყოდი უარს – ფერმა კი არ უნდა დაძაბოს, უნდა განტვირთოს ოთახის პატარა ბინადარი (მე “უნდას” ვიტყვი და თქვენ “მინდა” იგულისხმეთ 🙂 ).

Surreal-Paintings-02

ჩემი ფავორიტი ნეიტრალური და პასტელური ფერთა გამაა, ხოლო პატარა განმეორებადი ნახატების მქონე შპალერს მრავალფეროვანი ფრესკა მირჩევნია. ფრესკა ისტორიას უნდა ყვებოდეს, მხოლოდ არა ბოლომდე. ხოლო ამ ისტორიას მისი “წამკითხველი” ყველა პატარა თავისებურად დააბოლოებს, თანაც, ყოველ საღამოს სხვადასხვანაირად. ვრცლად

11 Comments

Filed under ბაზრის მიმოხილვა, რჩევები

ერგონომიული სამზარეულო

სამზარეულოს გეგმარება ერთ-ერთი უმნიშვნელოვანესი საქმეა მთლიანი ბინის მოწყობის საკითხში, რადგან თუ თქვენ მუდმივად გარეთ არ იკვებებით, მნიშნელოვანი ფიზიკური დატვირთის მიღება გიწევთ სადილ-ვახშმის მომზადების, მაგიდის გაშლის, შემდეგ დალაგების და დასუფთავების პროცესში. ამ პროცესისის მნიშვნლოვნად გართულებაც შეიძლება არასწორი გეგმარებით და გაიოლებაც, დაგეგმარების პროცესში გარკვეული საკითხების გათვალისწინებით. და თუ თქვენ მძიმე სამუშაო დღის შემდეგ სადილის კეთება გიწევთ, დამეთანხმებთ რომ პროცესის შემსუბუქება კრიტიკულად მნიშვნელოვანია.

პირველ რიგში მიმოვიხილოთ სამზარეულოს განლაგების ძირითადი ტიპები: სწორ ხაზზე, კუთხოვანი (ინგლისური L-ს ფორმის), პარალელური, სამმხრივი (ინგლისური U-ს ფორმის), კუნძულით. ამათგან ყველაზე კომფორტულია U-ს ფორმის და პარალელური გეგმარება (კუნძულიც თუ ძირითადი ხაზის პარალელურადაა, ისიც ამ პუნქტში შევიყვანოთ), შემდეგ L-ის ფორმის და ბოლოს სწორხაზოვანი გეგმარება. თუმცა, თუ ოთახის ფორმა მხოლოდ სწორხაზოვანი გეგმარების საშუალებას გაძლევთ, მისი კომფორტულად მოწყობა მაინც შესაძლებელია.

23260018

პირველი მნიშვნელოვანი პრინციპი, რომელიც უკვე ათწლეულებია ცნობილია და რომელსაც აქტიურად იყენებენ სამზარეულოს გეგმარებისას, ეს “სამუშაო სამკუთხედია” – წარმოსახვით სამკუთხედი მაცივარს, ნიჟარასა და გაზქურას შორის. ეს ის წერტილებია, რომელთანაც ყველაზე ხშირად გვაქვს შეხება სამზარულოში და მათ შორის მიმოსვლა არ უნდა იყოს არაფრით შეფერხებული. მაგალითად, ნიჟარიდან მაცივრამდე მისასვლელად სასადილო მაგიდას არ უნდა უვლიდეთ გვერდს. სწორედ ამ სამკუთხედის ოპტიმალური განლაგების შესაძლებლობას იძლევა პარალელური, U-ს ფორმის და L-ის ფორმის სამზარეულოები. ვრცლად

14 Comments

Filed under რჩევები

ვიზუალური მანიპულაცია სივრცით

ამ პოსტში იმ მეთოდებზე და პატარა “ეშმაკობებზე” ვისაუბრებთ, რომლებსაც ინტერიერის დიზაინერები მიმართავენ ოთახის ვიზუალური შეცვლისათვის.

ფერები

ალბათ, გეცოდინებათ, რომ ღია ფერები ვიზუალურად “ზრდის” (ტანისამოსის შემთხვევაში – “ასუქებს”). ინტერიერში ფერების მოქმედება უფრო სპეციფიურად ვლინდება: ღია და ცივი ტონებში კედლების შეღებვა ნამდვილად “ზრდის” ოთახს, ოღონდ კედლების ვიზუალური “შორს გაწევის” ხარჯზე; ხოლო მუქი და თბილი ტონები კედლებს თითქოს “აახლოვებს”. ამგვარი მეთოდით შესანიშნავად შეიძლება მოგრძო ოთახის კორექტირება მოკლე კედლების მუქ (და თბილ) ტონებში, ხოლო გრძელი კედლების ღია (და ცივ) ტონებში შეღებვის / მოპირკეთების გზით.

Perfect-Color-for-Contemporary-Living-Room-Ideas

grey-bedroom1 ვრცლად

6 Comments

Filed under რჩევები

ბავშვთა ოთახი

საბავშვო ოთახის მოწყობა ფრიად საპასუხისმგებლო საქმეა. ბევრი ნიუანსია გასათვალისწინებელი, რათა არც ბავშვის ჯანმრთელობას მიადგეს ზიანი, თქვენთვის ძვირფასი კვადრატული მეტრებიც ფუჭად არ დაიკარგოს (მ.შ. სხვა ოთახებშიც 🙂 ) და ბავშვისთვისაც სასიამოვნო იყოს საკუთარ ოთახში დროის გატარება. ამასთან იგი უნდა დაიგეგმოს ბავშის სწრაფი ზრდის ფაქტის გათვალისწინებით ისეთნაირად, რათა მისი შეცვლა ადვილი იყოს დროთა განმავლობაში. მივყვეთ მნიშვნელოვან საკითხებს პუნქტობრივად:

ჯანმრთელობისათვის

ბავშვთა ოთახისათვის არამც და არამც არ არის დასაშვები მეორადი ინსოლაციის გამოყენება – ამ ოთახს უნდა ჰქონდეს გარეთ გამავალი ფანჯრები. ამასთანავე სასურველია, თუ ეს ფანჯრები ჩრდილოეთით არ იქნება მიქცეული. ჯერ ერთი, საწერი მაგიდა მაქსიმალურად დიდხანს უნდა ნათდებოდეს ბუნებრივი განათებით, რაც აუცილებელია ბავშვის თვალებისათვის; მეორეც, მზის სხივები კლავს მავნე ბაქტერიებს, რაც ასევე ერთობ მნიშნელოვანია საბავშვო ოთახში ჯანსაღი კლიმატის შესაქმნელად.

თუ ბავშვისათვის აუცილებელია კომპიუტერით სარგებლობა, დაუდგით მას ე.წ. დესქთოფ კომპიუტერი და არა ნოუთბუქი. უკიდურეს შემთხვევაში, ნოუთბუქს შეუერთეთ ცალკე კლავიატურა, რათა მასზე კრიფოს ბავშვმა და შეძლოს მონიტორისგან დისტანციით ჯდომა.

სამუშაო მაგიდა უნდა იყოს განთავსებული ისეთნაირად, რომ მზის სხივები და ხელოვნური განათება მას ეცემოდეს მარცხნიდან (მემარჯვენეთათვის)  ან წინიდან. მხედველობისთვის არ არის რეკომენდირებული მაგიდის სხვაგვარად დადგმა.

კომფორტული, სრულ სიმაღლეზე საზურგიანი სკამი კიდევ ერთი მნიშვნელოვანი მოთხოვნაა ბავშვის საყრდენ-მამოძრავებელი სისტემის ნორმალური განვითარებისათვის. ამასთან სამუშაო მაგიდა უნდა წვდებოდეს ბავშვს მკერდამდე. სკამი უნდა იყოს ისეთი სიმაღლის, რომ ბავშვის ფეხები თავისუფლად იდგეს იატაკზე მართი კუთხით და მუხლები არ ეხებოდეს მაგიდის ზედაპირს ქვემოდან. ორთოპედების რეკომენდაციით საწერი მაგიდის სიგანე უნდა იყოს სულ ცოტა 1მ, სიღრმე – 60 სმ, ხოლო სივრცე მაგიდის ქვემოთ (სადაც ბავშვის ფეხები უნდა მოთავსდეს) 50х50 სმ-ზე. ერთობ ერგონომიულია არცისე ღრმა თაროები მაგიდის თავზე – ასე ყველა ძირითადი წიგნი და საკანცელარიო ნივთი “ერთი ხელის გაწვდენაზე” განთავსდება.

   

  

ვრცლად

31 Comments

Filed under რჩევები