თანამედროვე ტენდენციები ინტერიერის დიზაინში

ყველა დიზაინი ემორჩილება მოდას, მ.შ. ინტერიერის დიზაინიც. საბედნიეროდ, ინტერიერის დიზაინის ტენდენციები გაცილებით ხანგრძლივად ნარჩუნდება, ამიტომ თანამედროვედ გაკეთებული ბინა თამამად გაგიძლებთ მომავალ რენოვაციამდე.
მოდურობა არ გულისხმობს უახლესი სტილის (ინდუსტიალური თუ მინიმალისტურის) გამოყენებას – სტილი განყენებული საკითხია და ბევრი მათგანი შეიძლება იყოს თანამედროვე: ნეობაროკოს, ამპირისა და არ-ნუვოს ჩათვლით. მოდა დეტალებშია – ფერები, ქსოვილები, მასალები, პრინტები, სილუეტები, შეხამებები… თუმცა ამავე დროს არის სტილები, რომლებიც განსაკუთრებით აქტუალური ხდება ამა თუ იმ დროს. ამ პოსტში მიმდინარე ტენდენციებზე ვისაუბრებ, რომელიც თქვენს ინტერიერს რამდენიმე წლის განმავლობაში შეუნარჩუნებს თანამედროვე იერს.

1. ხის თბილი ფერი – ხის მონაცრისფრო ტონი თანდათან პოზიციებს უთმობს უფრო თბილ ფერს. ეს ნიშნავს, რომ ხის ფაქტურა უკვე არა ფონი, არამედ ერთგვარი აქცენტია.

2. ნაცრისფერი ფერი ისევ აქტუალურია როგორც სუფთა სახით, ასევე სხვა ფერების მონაცრისფრო ტონების სახით. მოდური ქრომატული (არანეიტრალური) ფერები მონაცრისფრო ტონებს შეიცავს საკუთარ თავში: დამჯდარი, “დამტვრელი” ფერები წელსაც აქტუალურია.

ვრცლად

დატოვე კომენტარი

Filed under ტრენდი

ლეგენდა სახელად: Eames

მეოცე საუკუნის დასაწყისში აშშ-ში დაიბადა 2 ადამიანი, რომელთა კოლაბორაციამ ახალი ეპოქა შექმნა არქიტექტურასა და ინტერიერის დიზაინში. მათ მიერ 40-50-იან წლებში შექმნილი ავეჯი დღესაც თანამედროვე და აქტუალურია. მაგრამ არა მხოლოდ ავეჯის დიზაინით შემოიფარგლება მათი მოღვაწეობა: ისინი ქმნიდნენ ჟურნალების ყდებს, ტექსტილს, პოსტერებს, ნახატებს, ფილმებს, და ბოლოს, იყვნენ შესანიშნავი არქიტექტორები – გენიალური ფრენკ ლოიდ რაიტის სტილის თაყვანისმცმელები და მიმდევრები.

* * *

ჩარლზ იმზი (Charles Eames) დაიბადა 1907 წელს. არქიტექტურა გაკვრით შეისწავლა ვაშინგტონის უნივერსიტეტში 2 წლის განმავლობაში. შემდეგ თანამედროვე არქიტექტურის სიყვარულმა აკადემიურ სწავლაზე გული აუცრუა და პრაქტიკას მიჰყო ხელი. ერთი ოჯახის შექმნისა და განქორწინების შემდეგ სამსახურში იპოვა ცხოვრების სიყვარული – ბერნის ალექსანდრა კაიზერი, იგივე რეი (Ray Eames). ასე დაიწყო ამ ნიჭიერი წყვილის მდიდარი შემოქმდებით კარიერა.

1940-იანების დასაწყისში იმზებმა საკუთარ ბინაში დაიწყეს ექსპერიმენტის ჩატარება ფანერაზე – წყვილს სურდა იაფი და მარტივი მასალისათვის მიეგნოთ, რომლითაც ხელმისაწვდომ ავეჯს შექმნიდნენ. ამ ექსპერიმენტების ერთ-ერთი პირველი შედეგი იყო ფანერის სათამაშო სპილო.

ვრცლად

4 Comments

Filed under ბრენდი

კამუფლაჟირებული სამზარეულო

სამზარეულოში შეიძლება ძალიან ფუნქიონალური იყოს – კარგად აითვისო მისი კედლები, ყველა ნივთი ერთი ხელის გაწვდენაზე გქონდეს, ხშირად მოხმარებად ტექნიკა კი ზედაპირზევე განათავსო. მაგრამ აქედან ბევრი რამ არ არის რეკომენდირებული, თუკი თქვენ სტუდიო გაქვთ. თუკი თქვენი სამზარეულო ოთახი ინტეგრირებულია მისაღებთან, სასურველია, რომ ის მისაღების ნაწილად აქციოთ.

თუ ქვემოთმოყვანილ რჩევებს გაითვალისწინებთ, თქვენ შეძლებთ სამზარეულო მაქსიმალურად “შეფუთოთ”, დამალოთ. რასაკვირველია, თუ თქვენი სურვილია, რომ მისაღებში სამზარეულო არ ჩანდეს. იდეებისთვის კი პოსტის ბოლოს მოყვანილ ფოტოებს გადახედეთ.

1) კარადების ფასადები – უნდა იმეორებდეს, აგრძელებდეს ან ავსებდეს ყველა დანარჩენ ავეჯს. სასურველია, სამზარეულო იმავე ფერებისა და ფაქტურის მქონე მასალით გააკეთოთ, რითიც სხვა კარადებია (თაროები, ტელევიზორის კუთხე, ე.წ. ბუფეტი ან მაგიდა) დამზადებული.

 

 

2) სახელურები – ტრადიციულად მისაღები ოთახის ავეჯის კარებს არ უმაგრდება სახელურები და მათზე მიწოლით გაღების სისტემებია დამონტაჟებულია. სამზარეულოს კარადების კარები უფრო ხშირი მოხმარებისაა და სტანდარტულად სახელურები უმაგრდება. თუმცა, კომბინირებულ ოთახში უმჯობესია, თუ უარს იტყვით სახელურზებზე, ან გამოიყენებთ მინიმალისტურ, ფასადებში “ჩამჯდარი” სახელურების სისტემას. ვრცლად

დატოვე კომენტარი

Filed under რჩევები, ფოტო-პოსტი

საძინებელი ოთახის მოწყობის პრინციპები

ოთახი, საიდანაც ვიწყებთ და სადაც ვამთავრებთ დღეს, აუცილებლად უნდა იყოს ძალიან კარგი – კარგად გააზრებული, თქვენზე მორგებული, კომფორტული და ლამაზი! რა თქმა უნდა, ოთახის ზომას დიდი მნიშვნელობა აქვს დაგეგმვისას, თუმცა არის პრინციპები, რომელთა დაცვაც ნებისმიერი ზომის ოთახშია შესაძლებელი.

სტილი:

გემოვნების საკითხია, თუმცა ერთი სტილის ან ძირითადი ვექტორის არჩევა ძალიან მნიშვნელოვანია. მაგალითად, საძინებელი შეიძლება გადაწყვიტო თანამედროვე კლასიკის, ეკო-დიზაინის, 60-იანების, ინდუსტრიალურ (ე.წ. ლოფტ), ქანთრი, პოპ-არტ და ა.შ. სტილში.  აირჩიეთ სტილი თქვენი გემოვნების შესაბამისად. არ არის აუცილებელი და უკუნაჩვენებიც კია, რომ ყველაფერი მკაცრად ერთ სტილში შეიძინოთ, თუმცა ავეჯის, განათების საშუალებების თუ აქსესუარების არჩევისას აუცილებლად გაითვალისწინეთ, რამდენად მოუხდება ამ სტილის ოთახს.

ფერები:

საძინებელი ის ოთახია, რომელსაც ყველაზე მეტად სჭირდება სიმშვიდე, ამიტომ, გირჩევთ, ძირითად ფრად მშვიდი, აქრომატული, ანუ ნეიტრალური ფერები გამოიყენოთ. ვრცლად

2 Comments

Filed under რჩევები

ჩემი ბინა: რეალიზებული პროექტი

1 წლის წინ დავწერე პოსტი ჩემი ბინის რემონტის გეგმარებაზე. რემონტის რეალიზებას 4 თვე დასჭირდა, თუმცა დეტალებზე მუშაობა კიდევ კარგა ხანს გაგრძელდა. ვერ ვიტყვი, რომ ის სახე მიიღო, რაც საბოლოოდ მინდა: საქართველოში ავეჯის მოძიებაც რთული პროცესია, ინტერნეტიდან გამოწერა კი რისკებთანაა დაკავშირებული, რადგან ძნელია ენდო ფოტოს, როცა საქმე ასეთ მნშვნელოვან გადაწყვეტილებას ეხება. თუმცა, საბოლოო ჯამში შედეგით კმაყოფილი ვარ და ახალ ბინაში ერთი წლის ცხოვრების შემდეგ შემიძლია თამამად განვაცხადო, რომ კომფორტული და მოსახერხებელი ბინაა.

მოსაპირკეთებელი მასალები:

კედლები, ძირითადა, შეღებილია. რამდენიმე ოთახში გაკრულია შპალერები. სამზარეულოში რეცხვისადმი განსაკუთრებით მედეგი (scrubbable) შპალერი შევიძინეთ “ბელ მეზონში“, სველი წერტილები კი გრანიტის ფილებით მოვაპირკეთეთ. ჭერი ყველგან თაბაშირმუყაოსია, იატაკზე კი ლამინირებული პარკეტი (ა.კ.ა.) ლამინატი აგია, გარდა სამზარეულოს და სველი წერტილებისა.

ავეჯი:

საქართველოში ავეჯის არჩევანის სიმწირის გამო მისი დიდი ნაწილი (ისევე, როგორც განათების, ტექსტილისა და დეკორის გარკვეული ნაწილი) შვედური კომპანია Ikea-სი შევიძინეთ. ჯერ ერთი, ონლაინ შერჩევის საშუალება არსებობდა, რამაც მოფიქრების და გაანალიზების დრო და საშუალება მოგვცა. მეორეც, ცნობადი მწარმოებელი საიმედო ხარისხსაც ნიშნავს. თურქეთში ჩვენ მიერ შერჩეული ავეჯი მაღაზიაშიც ვნახეთ, სანამ შეკვეთას გავაფორმებდით. ვრცლად

5 Comments

Filed under ზოგადი

2015 in review

The WordPress.com stats helper monkeys prepared a 2015 annual report for this blog.

Here’s an excerpt:

The concert hall at the Sydney Opera House holds 2,700 people. This blog was viewed about 21,000 times in 2015. If it were a concert at Sydney Opera House, it would take about 8 sold-out performances for that many people to see it.

Click here to see the complete report.

დატოვე კომენტარი

Filed under Uncategorized

ჩემი ბინა: დაგეგმარება და დიზაინი

არ მახსოვს, მიხსენებია თუ არა, რომ ამ ბლოგს, პირველ რიგში, საკუთარი თავისთვის ვქმნი(დი). სამზარეულოს, გარდერობის, ბავშვის ოთახისა თუ განათების გეგმარების შესახებ პოსტები ჩემი ინტერესის გამოძახილია – ის ინფორმაცია, რაც გადაწყვეტილების მისაღებად შევაგროვე, პოსტებად გადმოვეცი. ერთი წლის წინ ახალი ბინის შეძენამ გაფართოების საშუალება მოგვცა და მის დაგეგმვასაც შევუდექი.

პროექტი და მოცემულობა:

ბინა 4-ოთახიანია, ე.წ. ჩეხური პროექტი. ფართობი: 100 კვ.მ. აივნების ჩათვლით. მდგომარეობა: შავი კარკასი. ტიხრების ნაწილი მოხსნილი. სწორედ ისაა, რაც გვინდოდა – საყრდენ კედელს არ შევეხებით, სხვა მხრივ კი თავისუფლებას გვაძლევს გეგმარებაში.

ფანჯრების მდებარეობაა ჩრდილო-აღმოსავლეთით კაბინეტი და საძინებელი ოთახები, სამხრეთ-დასავლეთით მისაღები და სამზარეულო.

დაგეგმარება:

პროცესი იმ ზონების და ფუნქციების ჩამოთვლით დაიწყო, რაც ბინას უნდა ეტვირთა. ზოგიერთ კუთხეს ორმაგი ფუნქციის შესრულება შეუძლია – დასასხდომი ზონა (sitting zone) კომბინირებულ იქნა ტელევიზორის საყურებელ ზონასთან, სამრეცხაო ზონისათვის ადგილი სან-კვანძის გაფართოების ხარჯზე გამოინახა (არა სააბაზანო ოთახის, როგორც მიღებულია პრაქტიკაში), ხოლო საბავშვო ოთახში სთამაშო ზონა გაიზარდა იკეას ანტრესოლიანი საწოლის გამოყენებით.

მნიშვნელოვანი ამოცანა იყო მარტივი სამოძრაო ბილიკების დატოვება იმგვარად, რომ ერთი ზონიდან მეორეში მოსახვედრად რაც შეიძლება ნაკლები შემოვლის გაკეთება იყოს საჭირო.

დაგეგმარება და ვიზუალიზაცია პროგრამა planner5d.com-ში გავაკეთე და მხოლოდ ამის შემდეგ გადავიტანე archicad-ის ფაილში, რადგან პირველი გაცილებით მოსახერხებელია სამუშაოდ მოყვარულისათვის. მხოლოდ ყველა საჭირო ზონისა და ავეჯის განლაგების შემდეგ გადავიტანე ტიხრები archicad-ში.

ვრცლად

2 Comments

Filed under ზოგადი

ვგეგმავთ გარდერობს

იმ შემთხვევაშიც, თუ გარდერობისთვის მთელი ოთახი გაქვთ გამოყოფილი, აუცილებელია მისი ჭკვიანურად დაგეგმვა. სწორი გეგმარება კრიტიკული ხდება, თუკი გარდერობს პატარა სივრცე დაუთმეთ. ქვემოთმოყვანილი რჩევების გათვალისწინება გარდერობის სწორად დაგეგმვასა და ფართის ოპტიმალურ ათვისებაში დაგეხმარებათ.

1. საკიდებისთვის განკუთვნილი ძელის სიმაღლე უნდა იყოს თქვენს სიმაღეს პლუს 30-35 სმ. თუ ძელს უფრო მაღლა გეგმავთ, მაშინ იგი გადმოსაწევ მექანიზმზე უნდა იყოს.

2. შარვლებისათვის სპეციალური გამოსაწევი საკიდის გამოყენებით ასევე დაზოგავთ სივრცეს (სარჭებიან კაუჭიან საკიდთან შედარებით სიმაღლეში 10-15 სმ შეიძლება დაზოგოთ).

ვრცლად

3 Comments

Filed under რჩევები

მოლდინგები თანამედროვე ინტერიერში

თანამედროვე ინტერიერი ეკლექტიკური ინტერიერია. მხოლოდ ერთი სტილი მისთვის მოსაწყენი ერთფეროვნებაა და თამამად ურევს მასში კლასიკური ინტერიერის დეტალებს: მომრგვალებულ სილუეტებს, თითბერისა და ბროლის მასალებს, ჩუქურთმებსა და მოლდინგებს. ასეთი აღრევით ინტერიერი ბევრად მეტყველი და შესამჩნევი ხდება.

ფაქტურული კედელი სივრცეში დეკორის შემოტანის შესანიშნავი მეთოდია. რთულ და გარდამავალ, ან კონტრასტულ ფერებში შეფერილი მოლდინგებიანი კედელი შესანიშნავ აქცენტად იქცევა თქვენს მოდურ ბინაში. თუ ახალშეძენილ სახლში კედლებზე თაბაშირის ორნამენტები დაგხვდათ, ნუ იჩქარებთ მათ მოცილებას – ჯერ ამ ფოტოკოლაჟს შეავლეთ თვალი. ხოლო თუ ცარიელი კედლების გადახალისება გადაწყვიტეთ, პოლიურეტანის მოლდინგებზეც (თაბაშირის ნაცვლად დღეს ამ მასალით სრულდება დეკორატიული ელემენტები) იფიქრეთ.

კედლის მესამედი თეთრი მოლდინგებით, à la ბუაზერი:

ვრცლად

დატოვე კომენტარი

Filed under ფოტო-პოსტი

განათება. ფუნქციონალური ასპექტები.

ერთ-ერთი ყველაზე გავრცელებული შეცდომა, რასაც ინტერიერის განათებისას ვაწყდებით, მისი დაუგეგმაობა, ან ინტერიერისგან გეგმარებისგან განცალკევებული დაგეგმვაა. ძალიან ხშირად ოთახის ცენტრში ერთი ჭაღია ჩამოკონწიალებულია და მასზეა დაკისრებული მთელი ოთახის განათების ფუნქცია. ისეც ხდება, რომ მოგრძო ოთახში ორი ძირითადი განათების წერტილია და სინათლის ნაკლებობა არ იგრძნობა, ან მთელ ჭერზეა მიმოფანტული (თუნდაც სიმეტრიულად და არაქაოტურად) ჩაშენებული სანათები, მაგრამ განათება თავისთვისაა და ინტერიერი კი თავისი ცხოვრებით ცხოვრობს. ამ პოსტში იმაზე გესაუბრებით, როგორ უნდა დავგეგმოთ განათება გონივრულად, რათა ბინის მაცხოვრებლებს ემსახუროს საცხოვრებელ ზონებთან ჰარმონიაში.

განათება დანიშნულების მიხედვით 3 კლასს შეიძლება მივაკუთვნოთ: საერთო (ფონური), მიზნობრივი (ფუნქციონალური) და დეკორატიული განათება.

საერთო განათების მიზანი ოთახის მთლიანი საერთო განათების წყაროთი უზრუნველყოფაა – მან არ უნდა დატოვოს ოთახში გაუნათებელი ზონები, თუმცა საშუალო ილუმინაციას უნდა იძლეოდეს. როგორც წესი, განათავსებენ ჭერზე (ხშირად) ან კედლებზე (შედარებით იშვიათად).

 

ფუნქიონალური განათება ყველა ზონას საკუთარი აქვს. იგი აუცილებლად ოთახის საერთო გეგმარებასთან ერთად იგეგმება. ფუნქციონალური განათება უნდა ჰქონდეს: სასადილო მაგიდებს – საკუთარი ჭაღების სახით;

 

სამზარეულოს სამუშაო ზედაპირს – წერტილოვანი და ლედ-ლენტის სახით, რომელიც, სასურველია, ზედა ჩამოსაკიდი თაროების ქვედა კედელში იყოს დატანებული;

 

ვრცლად

დატოვე კომენტარი

Filed under რჩევები